Die 30 Junii In Commemoratione S. Pauli Apostoli

Sancte Paule Apostole, * praedicator veritatis et Doctor Gentium, intercede pro nobis ad Deum, qui te elegit.

Hymnus
Egregie Doctor, Paule, mores instrue,
Et nostra tecum pectora in caelum trahe:
Velata dum meridiem cernat fides,
Et solis instar sola regnet caritas.
Sit Trinitati sempiterna gloria,
Honor, potestas atque jubilatio,
In unitate quae gubernat omnia,
Per universa aeternitatis saecula. Amen.

Ant. Qui operatus est * Petro in Apostolatum, operatus est et mihi inter Gentes:

Ant. Mihi vivere Christus est, * et mori lucrum: gloriari me oportet in cruce Domini nostri Jesu Christi.